(Oom Pypies se) PANNEKOEK

Oom Pypies was meer bekend vir sy romerige roereier, maar nie omdat dit gewild onder die kinders was nie. Sy pannekoek aan die ander kant word gereeld gemaak. In sommige lande eet mense net pannekoek op sekere dae van die week. In ons familie maak ons dit net as dit reën en ek stel voor jy vermenigvuldig die resep want daar is niks so lekker soos 'n koue pannekoek, die volgende dag nie.

Jy benodig:
4 XL/Jumbo eiers
3k Water (750ml)
2k Koekmeel
2t Bakpoeier
1t Sout
25ml Brandewyn/Suurlemoensap
100ml Sonneblom Olie 
Kaneelsuiker: (5ml Kaneel / Koppie Suiker)

Meng alles goed saam. Spuit pan met "Spray&Cook". Wanneer die pan warm is, gooi ongeveer 'so 150ml-200ml van die deeg in en versprei eweredig oor die bodem tot gaar aan die een kant (Die randjie sal begin oplig as dit gaar word). Draai om en bak vir nog so 10 tellings, verwyder van die hitte en sit in 'n groter bak en sprinkel met kaneelsuiker (of vul met 'n gunsteling witsous met spek en kaas).

Vir 'n nagereg kan jy bietjie Kakao in die deeg sit en die pannekoek met roomys vul.

Resep Krediet: Oom Pypies Louw. Die romerige(sagte) roereier het ons as kinders uitge-gross, maar jou pannekoek is 'n wenner. ;-)