Malvapoeding (ouma rooi gekeur)

​
Jy benodig:
– 2 Eetlepels Botter
– 1 Koppie Suiker
– 2 Eiers
– 1 opgehoopte eetlepel appelkooskonfyt
– 1 Teelepel koeksoda (Bicarb)
– ½ Koppie melk
– 1 Teelepel asyn
– 1 & ¼ Koppie meel
– ‘n Knippie sout
Nou maak jy so:
– Klits die eiers, suiker, botter en appelkooskonfyt saam.
– Klits nou die res van die bestanddele by.
– Bak in die oond teen 180 grade celcius vir 20 – 35 minute.
(Hou die poeding dop. Hy raak vining bruin maar is nie noodwendig gaar nie.)
Terwyl die beslag bak, maak die sous:
Jy benodig:
– 1 & ½ Koppie melk
– ¾ Koppie suiker
– 1/2 Koppie botter
Nou maak jy so:
– Kook al die bestanddele in ‘n kastrol.
– Sodra die Malva-poeding uit die oond kom, steek gate in met ‘n vurk en gooi die warm sous oor. Laat staan tot al die sous ingetrek het.

Resep Krediet: Daniëlle Terblanche van Deli-icious Catering.